მთავარი » 2011 » დეკემბერი » 7 » ჩინეთში 1068-მეტრიანი საახალწლო ტორტი გამოაცხვეს + ვიდეო
8:26 PM
ჩინეთში 1068-მეტრიანი საახალწლო ტორტი გამოაცხვეს + ვიდეო
ჩინეთში ყველაზე დიდი საახალწლო ტორტი გამოაცხვეს. კულინარულ შედევრზე 80 მზარეული მუშაობდა. მისი სიგრძე 1068 მეტრია და 1.5 ტონას იწონის.
ყველაზე გრძელი საახალწლო ტორტი შანჰაიში, Pudong Shangri-la Hote-ში გამოფინეს, ხოლო მას შემდეგ რაც მისი გიგანტური ზომები გინესის რეკორდების წიგნმა აღიარა, კონდიტერები სასტუმროს კლიენტებსა და მომსახურე პერსონალს გაუმასპინძლდნენ.
ტორტის ცხობის პროცესი ერთ კვირას გაგრძელდა. მასზე 904 კვერცხი, 1045 კგ ფქვილი, 209 კგ შაქარი, 401 კგ შოკოლადი და 34 კგ ვანილი დაიხარჯა.
მიუხედავად იმისა, რომ შემადგენლობა ცნობილია, კონდიტერები ორიგინალური დესერტის რეცეპტს არ ამხელენ.
ყველაზე დიდი ტორტის გამოცხობის მიზანი საქველმოქმედოა. მისი ნაჭრების გაყიდვიდან შემოსული თანხა 4 ბავშვის ქიმიოთერაპიის პროცედურას მოხმარდება.
დღემდე ყველაზე დიდ დესერტად ფრანგი კონდიტერების 2010 წელს დამზადებული 207-მეტრიანი ტორტი ითვლებოდა.