მთაწმინდის პარკში თოვლის ბაბუა მარხილით შესრიალდება და მისთვის განკუთვნილ სახლში დასახლდება. ახალი წლისთვის კი პატარებს ლაპლანდიიდან ჩამოსული სანტა კლაუსიც გაახარებს. ეს ორი მეგობარი - თოვლის ბაბუა და სანტა კლაუსი ერთად იცხოვრებს. სანტა პირველად 31 დეკემბერს თავისუფლების მოედანზე გამართულ გალაკონცერტზე გამოჩნდება და ახალი წლის დადგომას მოგვილოცავს.
1 იანვრიდან 7 იანვრის ჩათვლით სანტა კლაუსი და თოვლის ბაბუა პატარებს საახალწლო საჩუქრებს გადასცემენ. სანტა უყურადღებოდ არც დევნილ ბავშვებს დატოვებს და არც ბავშვთა სახლის აღსაზრდელებს. ისინიც მიიღებენ საჩუქრებს კეთილი სანტა კლაუსისგან.
ძვირფასო პატარა თანამემამულეებო, ბევრი თქვენგანი, ალბათ ლაპლანდიის ყურებიან ბორცვზეც ყოფილა და სანტა კლაუსიც უნახავს. წელს თქვენი საქართველოში მცხოვრები მეგობრებიც იხილავენ მას. ჩვენ დარწმუნებულები ვართ, რომ თქვენ ეს ამბავი ძალიან გაგახარებთ.