სამეგრელოში საახალწლო ღონისძიებების ცენტრი წელს პირველად ანაკლია იქნება. რეგიონის გუბერნატორი გურამ მისაბიშვილის განცხადებით, 31 დეკემბრის ღამეს ადგილობრივ მცხოვრებლებს და სტუმრებს მასშტაბურ კონცერტს შესთავაზებენ.

ამ ეტაპზე გურამ მისაბიშვილი კონკრეტული დეტალების გამხელისგან თავს იკავებს, თუმცა განმარტავს, რომ სამეგრელოს ყველა მუნიციპალიტეტი მოაწყობს საახალწლო სოფელს და უზრუნველყოფს სადღესასწაულო ღონისძიებებს. საახალწლო პროექტები ადგილობრივი ბიუჯეტიდან დაფინანსდება.