ახალი წელი ახლოვდება სულ რაღაც დღეები გვაშორებს მასთან, უკვე გვექმნება საახალწლო განწყობა, რომელსაც ქმნის ძალიან ლამაზი საახალწლო სარეკლამო რგოლები, ახალი წლის დადგომამდე ჩვენს საიტზე უამრავი სიახლე დაიდება ამ დღესასწაულის შესახებ, როგორ გავაფორმოთ საახალწლო მაგიდა, როგორ ჩავიცვათ ახალ წელს ან თუნდაც საახალწლო ორცხობილების მომზადებას გასწავლით. რა სჯობია ლამაზად მორთულ ქუჩებს მაღაზიიდან გამოსულ საახალწლო მუსიკის ხმას, და სულ რაღაც 3 ან 4 საათით ადრე ახალი წლის დადგომამდე მაღაზიებში გასეირნებას, ქუჩაში მიდიხარ გცივა მერე რომელიმე მაღაზია მიგიზიდავს განსაკუთრებული საახალწლო გაფორმებით, ან ლამაზი მუსიკით, და შეგიტყუებს შედიხარ და ისეთი სითბო გხვდება გამოსვლა აღარ გინდა, შენს თვალწინ იშლება უამრავი ნაძვის ხე, საახალწლო ნათურები, სათამაშოები, და მომღიმარი სანტაკლაუსი რომელიც მიუხედავად იმისა რომ მაღაზიის მენეჯერის ფანტაზიის ნაწილია მაინც კარგ ხასიათზე გაყენებს და უფრო მეტ საახალწლო განწყობას გიქმნით. მაღაზიიდან ისე ვერ გამოხვალ რომ რაიმე ახალწელთან დაკავშირებული ნივთი არ იყიდო თუნდაც იაფასიანი, შემდეგ გამოდიხარ ქუჩაში გსიამოვნებს ხალხის ბედნიერი სახეები, და იმაზე ფიქრით თუ როგორ გაილამაზო ახალი წლის ღამე, სახლის კარსაც მიადგები, სახლში სიცივიდან ახლად შესულს კი რძიანი ყავა გინდება, და დედას ან სხვა ოჯახის წევრს სთხოვ მის მომზადებას, თუმცა ამაზე შესაძლოა მწარე უარი მიიღო რადგან ისინი საახალწლო სამზადისით არიან დაკავებულნი. გაივლი თუ გამოივლი სულ ნაძვის ხეს მისჩერებიხარ, და თან ვინც შემოვა ყველას ეკითხები მოსწონთ თუ არა. საახალწლო განწყობის შესაქმნელად ქვემოთ გიტოვებთ საახალწლო სურათებს, ვიდეოს და რამოდენიმე მუსიკას.